】燒味絕對係港式美食嘅代表之一！不過，喺香港有好多燒味店都係由中央工場製造，到我哋食嘅時候已經過咗一段時間，味道總會差啲啲。有要求嘅我哋，嚟到銅鑼灣嘅大壹燒鵝，店鋪定時烤製燒味，咁就夠晒新鮮熱辣啦！
燒腩仔
例牌嘅燒腩仔份量都唔少，一層肥一層瘦，層次分明，而食落又唔油膩！燒腩皮燒到脆卜卜，肉質嫩滑，肉味濃郁，值得推介。
燒鵝脾飯
餐廳名都有「燒鵝」二字，就知道燒鵝係餐廳嘅名物啦！細細個就已經知，食燒鵝一定要食髀，所以今日就叫隻燒鵝髀試試啦！大大隻嘅燒鵝髀，肉質非常嫩滑，油香十足，充滿鵝肉嘅香味。燒鵝皮夠薄又香脆，唔會太肥，食落就無咁有罪惡感啦！
